april 2010

OOGSTFEEST 2010.

Veurige week docht ik, loat ik us effen informeren of ze as oogstcomité al uut de wientersloap bin. Mer man ze hen al hele plannen, ze willen al eerder beginnen en wel op vriedagmiddag. Ze binnen bezig met een peerdensjoo en trekkertje trek nou dat bin een poar leuke dingen um te zien. Mer ze bin oek an’t overleegen met ene J.P. over een muzikaal spektakel mer doar is nog niet alles veurmekaar. Mer as die J.P. d’r achter zit komt ut goed.En dan ávus loat willen ze weer vuurwark presenteren. De veurige keer was ut masjes mooi. Dus ut beloofd een mooie avond te worden. Ze zullen wel een fikse pries vroagen doch ik mer, nee zeien ze als we ’n feest geven goan we d’r geen geld veur vroagen , zo was dat vrogger oak. ’t Is mer da’jt weten en vriedag twientig augustus al vast vrie houwen. Over de zoaterdag vertellenm we een are keer.

De Rogzeier