juni 2010   

OOGSTFEEST 2000 – 2010.

Je moen mer us goed kieken dan zie je dat ze van ’t joar veur de tiende keer feest hen. De veurige keer he’k al wat ‘ezeit over vriedags savunds. D’r komt nog wel wat over noar buuten mer wat ik ‘esnapt het word ut een machtige mooie avond veur boeren, burgers en buutenlu. En ’t kost helemoal niks.Woar vien je dat nog in disse tied. Mer Soaterdags moet er ‘emeid en ‘edorst worden.Het zoad steed’er mooi bie. Ut beloofd wat te worden.
Effen van te veuren zullen ze wel goan zichten of bienderen, ’t is spietig dat doar zo weinig belangstelling veur is. Het is zo massies mooi, die boeren met hun scharpe sikkels te zien warken. D’r blieft nog wat stoan veur soaterdags. Ze hen een vol programma.
Naost de vaste dingen zoas ploegen, zeiën en eggen, bin der oak behendigheidswedstrijden veur trekkers. Oak word er op de ouwerwetse manier gres ‘e meid. Degene die ut wil preberen moet zich effen anmelden. Veur de kienders is er een nieë bezigheid. Naast het springkussen en de hooibarg komt d’r een glieboan met ball’nbak. Ze preberen oak een huuskoamer na te bootsen. Zeeg mit een soort heerd of bakhuus doar bin ze nog niet helemoal uut. Je moen ’t gewoon zelf kommen zien. Mer oak heuren want ut Sjantie koor komt zingen. Dat hadden ze al joaren terug ‘ezeit a’jullie 10 joar fest hen, kom’n wulie veur niks zingen.
A’nt bestuur zal ’t niet liggen um d’r een mooie dag van te maken. Kom zelf mer kieken.

 De Rogzeier.